“ແຮ່ນນ້າ ໂລເຊັ່ນບູ້ມ” ໂດດເດັ່ນເທິງເວທີ Miss Teen Laos ກ່ອນຄວ້າຕຳແໜ່ງຮອງອັນດັບ 2

ແຮ່ນນ້າ ໂລເຊັ້ນບູ້ມ ນັກສະແດງສາວ ອາຍຸ 18 ຂວັນໃຈໄວໜຸ່ມ ໂດດເດັ່ນສົດໃສເທິງເວທີປະກວດ ມິສທີນລາວ 2019 ຈົນສາມາດຜ່ານເຂົ້າສູ່ຮອບ 3 ຄົນສຸດທ້າຍ ແລະ ຄວ້າຕຳແໜ່ງຮອງອັນດັບ 2 ມາຄອງໄດ້.

ເທິງເວທີປະກວດມິສທີນລາວ 2019 ຮອບຊີງຊະເລີດໃນວັນອາທິດ (08 ກັນຍາ) ທີ່ຜ່ານມາ ແຮ່ນນ້າ ແລະ ຜູ້ເຂົ້າປະກວດທັງ 20 ຄົນ ໄດ້ສະແດງການເຕັ້ນອອກກຳລັງກາຍ ບົ່ງບອກເຖິງຄວາມແຂງແຮງຂອງຮ່າງກາຍ ແລະ ການມີສຸຂະພາບທີ່ດີ. ພ້ອມທັງມີການເດີນແບບຊຸດກະໂປ່ງ ສະແດງເຖິງຄວາມໜ້າຮັກສົດໃສຂອງສາວໆໄວໜຸ່ມອີກດ້ວຍ.

ໃນນັ້ນ ແຮ່ນນ້າຍັງໄດ້ຮັບລາງວັນພິເສດ ເປັນລາງວັນຂວັນໃຈມວນຊົນ (Miss Popular Vote) ທີ່ມາຈາກຍອດກົດໄລ້ຮູບໃນເຟສບຸກຫຼາຍທີ່ສຸດ ເຮັດໃຫ້ແຮ່ນນ້າໄດ້ສິດເຂົ້າໄປລໍຖ້າໃນຮອບ 11 ຄົນສຸດທ້າຍ ກ່ອນໝູ່.

ປິດທ້າຍດ້ວຍການເດີນແບບຊຸດລາຕີ ກ່ອນຈະຜ່ານເຂົ້າສູ່ຮອບ 3 ຄົນສຸດທ້າຍ ແລະ ຄວ້າລາງວັນຮອງຊະນະເລີດອັນດັບ 2 ມາຄອງໃນທີ່ສຸດ ເຖິງຈະບໍ່ໄດ້ມຸງກຸດແຕ່ບອກເລີຍວ່າແຮ່ນນ້າໂດດເດັ່ນຫຼາຍເທິງເວທີ ບໍ່ວ່າຈະໃສ່ຊຸດໃດກໍງາມແທ້ໆເລີຍ.

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *