Xiaomi Mi 9T Pro ມືຖືໜ້າຕາບ້ານໆ ແຕ່ໃຊ້ຂຸມພະລັງ Snapdragon 855

ເນື່ອງຈາກໜ້າຕາຂອງ Xiaomi 9T Pro ມີຄວາມຄ້າຍກັບ Mi 9T ເດີມ ເຮົາກໍ່ເລີຍຂໍເລີ້ມຕົ້ນດ້ວຍໜ້າຈໍລວມຂອງເຄື່ອງກ່ອນ ກັບໜ້າຈໍຂະໜາດ 6.39 ນິ້ວ ເລືອກໃຊ້ໜ້າຈໍແບບ Super AMOLED ເຮັດໃຫ້ເກີດຄວາມຄົມຊັດ ແລະ ຍັງຮອງຮັບລະບົບສະແກນລາຍນິ້ວມື ໃນໜ້າຈໍ ນອກນັ້ນກໍ່ຍັງມີການສະແດງຜົນທີ່ຄົມຊັດ ກັບການຮອງຮັບ ເມົາຕິທັສ 10 ຈຸດ ຖືວ່າລົງຕົວຢ່າງຫຼາຍ ສຳລັບການໃຊ້ງານຖົ່ວໄປ ແຕ່ຄວາມລະອຽດຂອງໜ້າຈໍ ເຮັດໄດ້ທີ່ 2340×1080 ພິກເຊວ ຫຼື FHD+ ແກ້ວດ້ານໜ້າເປັນ Gorilla Glass 5.

ສ່ວນເທີງຂອງໜ້າຈໍ ເນື່ອງຈາກວ່າກ້ອງຖືກເຊື່ອງໄວ້ດ້ານເທີງສຸດ ເຮັດໃຫ້ເຊັນເຊີຝັງໄວ້ຮອບຂອງສ່ວນເທິງ ລຳໂພງສົນທະນາ ແລະ ບໍ່ມີ Notch ມາກວນໃຈອີກຕໍ່ໄປ.

ສ່ວນດ້ານລຸ່ມຂອງໜ້າຈໍ ເປັນສ່ວນຄວບຄຸມໜ້າຈໍ ໂດຍສາມາດສັ່ງທັງ Recent ສະຫຼັບ Apps, Home ກົດເຂົ້າໜ້າຈໍ ແລະ Back ສຳລັບຍ້ອນກັບຄືນ.

ຮອບຕົວເຄື່ອງອອກແບບໃຫ້ ເວລາຄືຮັບກັບມືຫຼາຍຂື້ນ ດັ່ງນັ້ນຖາດໃສ່ຊິມ ຖືກຍ້າຍເອົາໄປໄວ້ໃນສ່ວນອື່ນ ປ່ອຍໃຫ້ດ້ານຊ້າຍລຽບຈົນບໍມີປຸ່ມກົດຫຍັງເລີຍ.

ທາງດ້ານຂວາ ແມ່ນມາພ້ອມກັບປຸ່ມກົດລະດັບສຽງ ແລະ ປຸ່ມເປີດປິດຕົວເຄື່ອງ ທີ່ໄດ້ແຍກສີອອກມາຊັດເຈນ ຄືສີແດງ ທ່ີກົດແລ້ວໃຫ້ນ້ຳໜັກທີ່ດີເລີຍກໍ່ວ່າໄກດ້.

ສ່ວນເທີງນອກຈາກຈະມີສີສັນທີ່ສວຍງາມ ນອກຈາກລຳໂພງຕັດສຽງລົບກວນ Ximao Mi 9T / Mi 9T Pro ຍັງມີບ່ອນສຽບຫູຟັງ ແລະ ກ້ອງໜ້າແບບ Popup ທີ່ມີໄຟເລືອງແສງ Notification ແລະ ເມື່ອກ້ອງເປີດໄຟກໍ່ຈະຕິດ ແລະ ເລືອງແສງຂື້ນມາ ເປັນການບອກວ່າ ກ້ອງມາແລ້ວ.

ສ່ວນດ້ານລຸ່ມນັ້ນຄວາມລຽບງ່າຍ ມາພ້ອມກັບບ່ອນສຽບໃສ່ຊິມທັງສອງ ບ່ອນ ແລະ ບໍ່ມີບ່ອນໃຫ້ເພີ້ມຄວາມຈຳ, USB-C , ໄມໂຄໂຟນ ແລະ ລຳໂພງໃນຕົວເຄື່ອງ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *