2 ບໍລິສັດ ຕົວແທນຈໍາໜ່າຍ ອີຊູຊຸລາວ ໄດ້ຮັບລາງວັນດີເດັ່ນ

ເມື່ອບໍ່ດົນມານີ້, ທີ່ປະເທດໄທ ທ່ານ ໂທຊິອາກິ ມາເອຄາວະ ກຳມະການຜູ້ຈັດການ ບໍລິສັດ ບໍລິສັດ ຕຣີເພຊ໌ ອີຊູຊຸເຊວຊ໌ ຈຳກັດ ຜູ້ຈັດຈໍາໜ່າຍລົດ ອີຊູຊຸຢ່າງເປັນທາງການໃນ ສປປ ລາວ ໄດ້ໃຫ້ກຽດມອບລາງວັນກຽດຕິຍົດດີເດັ່ນ ກາລັນຕີມາດຕະຖານ ບໍລິການຍອດຢ້ຽມ ໃຫ້ແກ່ຕົວແທນຈໍາໜ່າຍ 2 ບໍ ລິສັດ ຄື: ບໍລິສັດ ອີຊູຊຸ ລາວ ບໍລິການ ຈຳກັດຜູ້ດຽວ ແລະ ບໍລິສັດ ອີຊູຊຸ ລາວ ວີເອສເອ ຈຳກັດ. ໃນໂອກາດຜ່ານການຮັບຮອງມາດຕະຖານ ການດໍາເນີນງານດ້ານທຸລະກິດ ຫລັງການຂາຍ ອີຊູຊຸ ປະຈໍາປີ 2019; ທັງນີ້ ແນໃສ່ເນັ້ນການຍົກລະດັບ ມາດຕະຖານການບໍລິການ ຫລັງການຂາຍ ແລະ ຄຸນນະພາບການບໍລິການດີເດັ່ນ ໃຫ້ແກ່ລູກຄ້າດີຂຶ້ນເລື້ອຍໆ.

ສໍາລັບ 2 ບໍລິສັດ ທີ່ໄດ້ຮັບລາງວັນດີເດັ່ນ ຄື: ບໍລິສັດ ອີຊູຊຸ ລາວ ບໍລິການ ຈຳກັດຜູ້ດຽວ ແມ່ນມີສຳນັກງານໃຫຍ່ ຕັ້ງຢູ່ຫລັກ 8 ຖະໜົນຫລວງພະບາງ (13 ເໜືອ), ບ້ານນາເລົ່າ (ເຂດທົ່ງປົ່ງ), ເມືອງສີໂຄດຕະບອງ, ນະຄອນຫລວງວຽງຈັນ ເຊິ່ງມີສາຂາ ຕັ້ງຢູ່ຫລັກ 2 ຂ້າງສະໜາມກິລາ ຖະໜົນ 13 ໃຕ້ ບ້ານແກ້ວສຳພັນ ເມືອງປາກເຊ ແຂວງຈຳປາສັກ. ສ່ວນບໍລິສັດ ອີຊູຊຸ ລາວ ວີເອສເອ ຈຳກັດ ສຳນັກ ງານໃຫຍ່ຢູ່ຖະໜົນອາຊຽນ (ເຕ 2) ບ້ານໜອງດ້ວງເໜືອ ເມືອງສີໂຄດຕະບອງ ນະຄອນຫລວງວຽງຈັນ ແລະ ມີສາຂາ ຕັ້ງຢູ່ຖະໜົນ 13 ໃຕ້ ບ້ານໂຊກອຳນວຍ ເມືອງປາກເຊ ແຂວງຈຳປາສັກ.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *