ບັນດາ​ປະ​ເທດ​​ໃນ​ເຂດ​ອາ​ເມຣິກາ​ໃຕ້ ​ລົງ​ນາມ​ຂໍ້​ຕົກລົງ​ກ່ຽວ​ກັບ​ປ່າ​ມາ​ຊອນ

ວັນ​ທີ 6 ກັນຍາ​ນີ້ 7 ປະເທດ​ທີ່​ມີ​ປ່າ​ອາ​ມາ​ຊອນ ຢູ່​ໃນ​ເຂດ​ອາ​ເມ​ຣິ​ກາ​ໃຕ້ ໄດ້​ຮ່ວມ​ກັນ​ລົງ​ນາມ​ຂໍ້​ຕົກລົງ​ສະບັບ​ໜຶ່ງ ເພື່ອ​ປົກ​ປ້ອງ​ປ່າໄມ້​ເຂດ​ຮ້ອນ ອາ​ມາ​ຊອນ ທີ່​ມີ​ຂະໜາດ​ໃຫຍ່​ທີ່​ສຸດ​ໃນ​ໂລກ​ນັ້ນ.

ແຈ້ງ​ການ​ໃຫ້​ຮູ້​ວ່າ ປະທານາທິບໍດີ​ຈາກ​ປະເທດ ໂກ​ລົງ​ບີ ໂບ​ລີ​ວີ ເອ​ກົວ​ດໍ ແລະ ເປ​ຣູ ພ້ອມ​ດ້ວຍ​ຮອງ​ປະທານາທິບໍດີ​ຈາກ ຊູ​ຣີ​ນາມ ລັດຖະມົນຕີ​ການ​ຕ່າງປະເທດ ບຣາ​ຊີ​​ລ ແລະ ລັດ​ຖະ​ມົນ​​ີ​ຊັບພະຍາກອນ​ທຳ​ມະ​ຊາດ​ຈາກ ກຸຍ​ຢາ​ນາ ໄດ້​ເຂົ້າ​ຮ່ວມ​ກອງ​ປະຊຸມ​ກ່ຽວ​ກັບ​ປ່າ​ອາ​ມາ​ຊອນ ຊຶ່ງ​ຈັດ​ຂຶ້ນ​ທີ່​ນະຄອນ ເລ​ຕີ​ເຊຍ (ພາກ​ໃຕ້​ໂກ​ລົມ​ບີ).

ປະທານາທິບໍດີ​ໂກ​ລົມ​ບີ ອີ​ວານ ດູ​ເກ ກ່າວ​ຢູ່​ໃນ​ພິທີ​ລົງ​ນາມ​ຂໍ້​ຕົກລົງ​ດັ່ງກ່າວ​ວ່າ ກອງ​ປະຊຸມ​ໄດ້​ປຶກສາ​ຫາລື​ກ່ຽວ​ກັບ​ກົນ​ໄກ​ການ​ຮ່ວມ​ມື​ປະສົມ ລະຫວ່າງ​ການ​ນຳ​ຂອງ​ບັນດາ​ປະເທດ ໃຫ້​ແກ່​ບັນດາ​ບັນຫາ​ທີ່​ເກີດ​ຂຶ້ນ​ຢູ່​ໃນ​ເຂດ​ປ່າ​ອາ​ມາ​ຊອນ. ໃນ​ຂະນະ​ດຽວ​ກັນ ປະທານາທິບໍດີ ດູ​ເກ ກໍ​ເວົ້າ​ວ່າການ​ນຳ​ຂອງ​ປະເທດ​ຕ່າງໆ ຈະ​ໄດ້​ພົບ​ປະກັນ​ຢູ່​ໃນ​ການເຄື່ອນໄຫວ​ນອກ​ກອງ​ປະຊຸມ ກ່ຽວ​ກັບ​ການ​ປ່ຽນແປງ​ສະພາບ​ດິນ​ຟ້າ​ອາກາດ​ຂອງ ສະຫະ​ປະຊາ​ຊາດ ໃນ​ເດືອນ​ທັນວາ​ໜ້າ​ນີ້.

ຂໍ້​ຕົກລົງ​ທີ່​ຫາ​ກໍ​ໄດ້​ຮັບ​ການ​ລົນ​​າມ​ດັ່ງກ່າວ ລະບຸ​ວ່າ ປະເທດ​ຕ່າງໆ​ຈະ​ໄດ້​ສ້າງຕັ້ງ​ລະບົບ​ຮອງ​ຮັບ​ກັບ​ໄພພິບັດ​ທຳ​ມະ​ຊາດ ເພື່ອ​ໃຫ້​ສາມາດ​ປະສານ​ງານ​ກັນ​ໄດ້​ດີ​ກວ່າ​ເກົ່າ ເຊັ່ນ​ໃນ​ກໍລະນີ​ເກີດ​ໄຟ​ໄໝ້​ປ່າ​ຂະໜາດ​ໃຫຍ່. ໃນ​ຂະນະ​ດຽວ​ກັນ ຂໍ້​ຕົກລົງ​ນັ້ນ​ກໍ​ຈະ​ຊຸກຍູ້​ແນວ​ຄວາມ​ຄິດ​ກ່ຽວ​ກັບ​ການ​ປູກ​ປ່າ ເພີ່ມ​ທະວີ​ການເຄື່ອນໄຫວ​ຕິດຕາມ​ບັນຫາ​ຕ່າງໆ​ຢູ່​ໃນ​ປ່າ​ອາ​ມາ​ຊອນ​ໂດຍ​ຜ່ານ​ດາວ​ທຽມ ພັດທະນາ​ແນວ​ຄວາມ​ຄິດ​ກ່ຽວ​ກັບ​ການ​ຊຸກຍູ້​ຄວາມ​ຮັບ​ຮູ້​ກ່ຽວ​ກັບ​ບົດບາດ​ຂອງ​ປ່າ​ອາ​ມາ​ຊອນ ໃຫ້​ແກ່​ຊຸມ​ຊົນ​ຕ່າງໆ ເພື່ອ​ຮັກສາ​ໄວ້​ຊຶ່ງ​ການ​ພັດທະນາ​ແບບ​ຍືນ​ຍົງ. ນອກຈາກ​ນັ້ນແລ້ວ ປະເທດ​ຕ່າງໆ ກໍ​ເຫັນ​ດີ​ເປັນ​ເອກະສັນ​ກັນ ກ່ຽວ​ກັບ​ການ​ແບ່ງປັນ​ຂໍ້​ມູນ​ຂ່າວສານ ກ່ຽວ​ກັບ​ການ​ເຄື່ອນ​ທີ່​ຜິດ​ກົດໝາຍ​ຢູ່​ໃນ​ປ່າ​ອາ​ມາ​ຊອນ ຕົວຢ່າງ​ກໍ​ຄື​ການ​ຂຸດ​ຄົ້ນ​ແຮ່​ທາດ​ຢ່າງ​ຜິດ​ກົດໝາຍ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *