ເມືອງນອງ ຈັດກອງປະຊຸມຜູ້ບໍລິຫານການສຶກສາ ປະຈໍາສົກປີ 2018-2019 ແລະ ທິດທາງຕໍ່ໜ້າ.

ໃນວັນທີ 3-4 ກັນຍາ 2019 ຜ່ານມານີ້ ຢູ່ທີ່ສະໂມສອນຂອງເມືອງນອງ ໄດ້ຈັດກອງປະຊຸມຜູ້ບໍລິຫານການສຶກສາປະ ຈຳສົກປີ 2018-2019 ແລະ ແຜນພັດທະນາ ປະຈໍາສົກປີ 2019-2020 ໂດຍການເຂົ້າຮ່ວມເປັນປະທານ ຂອງທ່ານ ຄໍາພູນ ຕຸໄພທູນ ຮອງເຈົ້າແຂວງສະຫວັນນະເຂດ, ທ່ານ ນາງ ຫຼິງທອງ ແສງຕາວັນ, ຫົວໜ້າພະແນກສຶກສາທິການ ແລະ ກິລາແຂວງ, ທ່ານ ແຕງອ່ອນ ຈັນທະລະນອງ ຮອງເຈົ້າເມືອງໆນອງ, ມີຄະນະປະຈຳພັກເມືອງ, ກຳມະການພັກເມືອງ, ຄູ, ອາຈານໃນທົ່ວເມືອງເຂົ້າຮ່ວມ.

ກອງປະຊຸມຄັ້ງນີ້ແມ່ນໄດ້ສະຫຼຸບຄືນການຈັດຕັ້ງປະຕິບັດແຜນພັດທະນາການສຶກສາສົກຮຽນ 2018-2019 ແລະ ທິດທາງແຜນການພັດທະນາການສຶກສາສົກນຽນ 2019-2020 ເຊິ່ງຜ່ານໂດຍ ທ່ານ ນາງ ແສງຈັນ ຕຸຕຽງແກ້ວ ຮອງຫົວໜ້າຫ້ອງການສຶກສາ ກໍ່ໄດ້ລາຍງານໃຫ້ຮູ້ວ່າ:2018-2019 ທົ່ວເມືອງມີໂຮງຮຽນລ້ຽງເດັກ (ເອກະລາດ1 ແຫ່ງ) ແລະ ໂຮງຮຽນອະນຸບານ( ຕິດແປະກັບຊັ້ນປະຖົມ) ທັງໝົດ35 ແຫ່ງ. ມີຈຳນວນຫ້ອງລ້ຽງເດັກ 1 ຫ້ອງ, ຫ້ອງອະນຸບານ 42 ຫ້ອງ, ນັກຮຽນລ້ຽງເດັກມີ 28 ຄົນ, ຍິງ 12 ຄົນ.

ນັກຮຽນອະນຸບານ 1.088 ຄົນ,ຍິງ 550 ຄົນ, ລວມນັກຮຽນທັງໝົດ 1.116 ຄົນ, ຍິງ 562 ຄົນ ທຽບໃສ່ປີຜ່ານມາຫຼຸດລົງ 13 ຄົນ, ມີຄູສອນ 42 ຄົນ, ຍິງ 39 ຄົນ, ຄູອາສາ 14 ຄົນ, ຍິງ 14 .

ອັດຕາການເຂົ້າຮຽນຂອງເດັກໃນເກນອາຍຸ 0-2 ປີປະຕິບັດໄດ້ 1,1% ທຽບໃສ່ປີຜ່ານມາແມ່ນເທົ່າເດີມ ຖ້າທຽບໃສ່ແຜນປີແມ່ນຫຼຸດຄາດໝາຍ 1,5%( ແຜນແມ່ນ 2,6%). ວຽກປະຖົມສຶກສາ ທົ່ວເມືອງມີໂຮງຮຽນທັງໝົດ 76 ແຫ່ງ, ປະຖົມສົມບູນມີ 67 ແຫ່ງ,ຈໍານວນ ຫ້ອງຮຽນຊັ້ນປະຖົມມີທັງໝົດ 175 ຫ້ອງ, ເພີ່ມຂຶ້ນ 13 ຫ້ອງ,ຫ້ອງດ່ຽວ 33 ຫ້ອງ, ຫ້ອງຄວບ 142 ຫ້ອງ ກວມເອົາ 81,1%, ມີຄູສອນທັງໝົດ 178 ຄົນ, ຍິງ71 ຄົນ, ຄູອາສາ 35 ຄົນ, ຍິງ 16 ຄົນ, ຈຳນວນນັກຮຽນປະຖົມທັງໝົດມີ 5.111 ຄົນ, ຍິງ 2.118 ຄົນ, ທຽບໃສ່ຕົ້ນສົກຮຽນຜ່ານມາຫຼຸດລົງ52 ຄົນ, ສະເລ່ຍຈໍານວນນັກຮຽນຕໍ່ຫ້ອງເທົ່າກັບ 29,2 ຄົນຕໍ່ຫ້ອງ.

ສະເລ່ຍຈຳນວນນັກຮຽນຕໍ່ຄູເທົ່າກັບ 28,7ຄົນຕໍ່ຄູ1. ວຽກງານມັດທະຍົມທົ່ວເມືອງມີໂຮງ ຮຽນມັດທະຍົມທັງໝົດ 6, ສົມບູນ 6 ແຫ່ງ ຈໍານວນຫ້ອງຮຽນ ມຕົ້ນທັງໝົດ 43 ຫ້ອງ, ຈຳນວນຄູ ແລະພະນັກງານບໍລິຫານລວມທັງ ມຕົ້ນ ແລະມ ປາຍທັງໝົດ 86 ຄົນ, ຍິງ 46 ຄົນ, ອາສາ 23 ຄົນ, ຍິງ14ຄົນ, ຈຳນວນນັກຮຽນມັດ ທະຍົມຕົ້ນ ແລະປາຍທັງໝົດ 1.014 ຄົນ, ຍິງ 373 ຄົນ, ຊາຍ641 ຄົນ, ທຽບໃສ່ປີຜ່ານມາເພີ່ມຂຶ້ນ 8ຄົນ, ສະເລ່ຍ ຈໍານວນນັກຮຽນຕໍ່ຫ້ອງເທົ່າກັບ 30,7 ຄົນຕໍ່ຫ້ອງ.

-ໃນພິທີ ທ່ານ ຄຳພູນ ຕຸໄພທູນ ຄະນະປະຈຳພັກແຂວງ ຮອງເຈົ້າແຂວງສະຫວັນນະເຂດໄດ້ເນັ້ນໜັກໃຫ້ບັນດາຄູ-ອາຈານໃນທົ່ວເມືອງຈົ່ງເອົາໃຈໃສ່- 3ຂໍ້ແຂາງຂັນ ແລະ 5ຫຼັກມູນ ຂອງວຽກງານສຶກສາໂດຍຖືເອົາການສິດສອນເປັນໃຈກາງ, ນຳພານັກຮຽນຜະລິດການຮຽນ-ການສອນທີ່ຫາໄດ້ຕາມທຳມະຊາດໄປນຳໃຊ້ໃນຊີວິດປະຈຳວັນ, ພ້ອມນັ້ນທ່ານ ຍຜັງໄດ້ເນັ້ນຕື່ມວ່າ: ຈົ່ງເອົາໃຈໃສ່ຕື່ມໃນການລະດົມເດັກໃຫ້ໄດ້ເຂົ້າຮຽນຕາມເກນອາຍຸໃຫ້ໄດ້ຜ່ານມາຍັງເຫັນວ່າອັດຕາການເພີມໃນເກນອາຍຸຂອງເດັກໃນການເຂົ້າໂຮງຮຽນແມ່ນຫຼຸດລົງແທນທີ່ຈະເພີ່ມຂຶ້ນ, ຄູທຸກຄົນຕ້ອງເປັນແບບຢ່າງໃຫ້ນັກຮຽນ ແລະລວມທັງພໍ່ແມ່ປະຊາຊົນເປັນຕົ້ນແມ່ນລະດົມລູກຫຼານຂອງຕົນໃຫ້ໄດ້ເຂົ້າໂຮງຮຽນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *