ຢູ 14 ລ໋ອບ ສະເຕດ່ຽມ ລົງສະໜາມນັດທຳອິດ ເສຍໃຫ້ໜອງບົວ ພິຊົນ ແລງນີ້ ວັດຮອງແຊ້ມເກົ່າຕໍ່

ັຢູ 14 ລ໋ອບ ສະເຕດ່ຽມ ໂຕແທນ 1 ດຽວຈາກລາວລົງສະໜາມນັດທຳອິດ ເສຍໃຫ້ ໜອງບົວ ພິຊົນ ທີມຈາກໄທ 0-2 ໃນເວລາ 8:00 ໂມງ ຂອງວັນທີ 5 ກັນຍາ 2019 ໂດຍລວມນັດນີ້ມີ ສູສີກັນ ແຕ່ດ້ວຍການແຂ່ງຂັນໃຊ້ເວລາເຄິ່ງລະ 15 ນາທີ ເຮັດໃຫ້ນັກເຕະປັບໂຕບໍ່ທັນ ຫລັງຈາກເສຍປະຕູ ເຫັນວ່ານັກເຕະຫລິ້ນໄດ້ດີຂຶ້ນ ແລະ ມີໂອການຍິງທ້າຍເກມ 2-3 ຄັ້ງແຕ່ບໍ່ເປັນປະຕູ

ສຳລັບທີມນັກກິລາລາວ ຢູ14 ລ໋ອບ ສະເຕດ່ຽມ 1 ດຽວຈາກ ສປປ ລາວ ຊຸດນີ້ນຳໂດຍ ອາລ໋ອບ ມະນີບົດ ປະທານສະໂມສອນ ລ໋ອບ ສະເຕດ່ຽມ  ພ້ອມດ້ວຍຄະນະຄູຝຶກອີກ 5 ທ່ານ ( ຍິງ 2 ທ່ານ ) ແລະ ນັກກິລາອີກ 18 ຄົນ

ສຳລັບລາຍການດັ່ງກ່າວມີ 32 ທີມເຂົ້າຮ່ວມ ແລະ ຮູບແບບການແຂ່ງຂັນແບ່ງອອກເປັນ 8 ກຸ່ມ ກຸ່ມລະ 4 ທີມ ແຂ່ງພົບກັນໝົດ ຄັດເອົາທີມແຊ້ມຂອງແຕ່ລະກຸ່ມເຂົ້າຮອບ 8 ທີມສຸດທ້າຍ ເຊິ່ງ ລ໋ອບ ສະເຕດ່ຽມ ຢູ່ກຸ່ມ ເອ ຮ່ວມກັບ ການທ່າເຮືອ ( ຮອງແຊ້ມເກົ່າຮອບຄັດເລືອກໃນປີ 2018 ) ໄຊມິດ ກາບິນ ຢູໄນເຕັດ ແລະ ໜອງບົວ ພິຊາຍາ

ສຳລັບນັດຕໍ່ໄປນັດທີ 2 ທີມຈາກລາວຈະພົບກັບ ການທ່າເຮືອ ເອັບຊີ ເວລາ 13:20 ໂມງ ໃນນັດວັນທີ 5 ກັນຍານີ້ ສ່ວນນັດສຸດທ້າຍຈະລົງສະຫນາມພົບກັບ ໄຊມິດ ຄາບິນ ຢູໄນເຕັດ ໃນວັນທີ 6 ກັນຍາ 2019 ເວລາ 8:00 ໂມງ

ສ່ວນທີມທີ່ໄດ້ແຊ້ມ ແລະ ຮອງແຊ້ມ ຈະຄວ້າສິດເຂົ້າໄປແຂ່ງຂັນຮອບສຸດທ້າຍລະຫວ່າງວັນທີ 19-23 ຕຸລາ 2019 ທີ່ສະໜາມຊ້າງ ອາລີນ່າ ເທນນິ່ງກາວ ແຂວງບູລີລຳ ປະເທດໄທ

 

 

ຂໍ້ມູນມາຈາກ : ສະປອດອັບເດດ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *