ແຈ້ງເຕືອນ ເສັ້ນທາງ 28 A ແຕ່ນາບໍາເຊໂປນ ຫາ ວິລະບູລີ ລົດຍັງຜ່ານບໍ່ໄດ້

ນັບແຕ່ພາຍຸ ດີເປດຊັ່ນ ໄດ້ພັດຜ່ານເຂດພາກກາງຫາພາກໃຕ້ ຂອງລາວ ສົ່ງຜົນໃຫ້ຫລາຍພື້ນທີ່ເກີດມີຝົນຕົກໜັກ ເຮັດໃຫ້ນໍ້າຖ້ວມໄຫລເຂົ້າຖ້ວມບ້ານເຮືອນປະຊາຊົນ ໄຮ່ນາຮົ້ວສວນ ຖະໜົກຫົນທາງຖືກນໍ້າຖ້ວມເປ່ເພເສຍຫາຍ ບາງບ່ອນບໍ່ສາມາສັນຈອນໄດ້ ເນື່ອງຈາກຖືກຕັດຂາດ ຍ້ອນຖືກນໍ້າເຊາະເຈື່ອນ ເພາະວ່າຢູ່ແຂວງສະຫວັນນະເຂດ ແມ່ນເສັ້ນທາງ 28 ເອ ນັບແຕ່ນາບໍ່ຫາເມືອງ ວິລະບູລີ ລົດບໍ່ສາມາສັນຈອນໄດ້ ພາຍຫລັງຖືກນໍ້າຖ້ວມມາແຕ່ທ້າຍສິງຫາ ເປັນຕົ້ນມາ

ອີງຕາມການລາຍງານຂອງນັກຂ່າວທ້ອງຖິ່ນໃຫ້ຮູ້ວ່າ : ໃນວັນທີ 5 ກັນຍາ 2019 ນີ້ລະດັບນໍ້າເຊກອງ ຍັງບໍ່ມີທ່າທີຫລຸດລົງ ເຊິ່ງມື້ນີ້ວັດແທກໄດ້ 9,54 ແມັດ ເສັ້ນທາງ

28 ເອ ແຕ່ນາບໍ່ ຫາ ເມືອງວິລະບູລີ ແມ່ນ ບໍ່ສາມາດຜ່ານໄດ້ຄືເກົ່າ

ດັ່ງນັ້ນຈຶ່ງແຈ້ງເຕືອນມາຍັງທ່ານ ທີ່ຈະເດີນທາງໄປເມືອງວິລະບູລີ ໂດຍນໍາໃຊ້ເສັ້ນທາງສາຍນີ້ໄດ້ຮັບຊາບ ແລະ ຖ້າມີຄວາມຈຳເປັນ ຄວນນຳໃຊ້ເສັ້ນທາງສາຍໃໝ່ ທັ້ງນີ້ ກໍ່ເພື່ອຄວາມປອດໄພຂອງຜູ້ໃຊ້ລົດໃຊ້ຖະໜົນເອງ

 

 

ຂໍ້ມູນມາຈາກ : ສະປອດອັບເດດ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *