ແອັບພຣິເຄຊັ້ນ “ປ່ຽນໜ້າ” ຂອງຈີນ ຖູກໂຈມຕີເຮື່ອງລະເມີດ ຄວາມເປັນສ່ວນຕົວ

ແອັບປ່ຽນໜ້າຈອງຈີນ ທີ່ກຳລັງໄດ້ຮັບຄວາມນິຍົມຢ່າງສູງ ໃນ່ຊ້ວງບໍ່ພໍເທົ່າໃດມື້ຜ່ານມາ ກຳລັງປັບນະໂຍບາຍຄວາມເປັນສ່ວນຕົວ ຫຼັງຈາກທີ່ຖືກຜູ້ໃຊ້ ຂຽນໂຈມຕີຢ່າງໜັກ ເຮື່ອງຄວາມກັງວົນເລື່ອງຄວາມເປັນສ່ວນຕົວ.

ແອັບພຣິເຄຊັ້ນ ຈາວ(Zao) ທີ່ວ່ານີ້ ເປັນແອັບທີ່ຜູ້ໃຊ້ ສາມາດປ່ຽນໃບໜ້າຂອງຄົນດັງ ໃນຄຣິບວີດິໂອສັ້ນໆ ໃຫ້ກາຍເປັນໃບໜ້າຂອງຕົນເອງໄດ້ ໂດຍໃຊ້ເທັກໂນໂລຢີ່ ປັນຍາປະດິດທ່ີເອີ່ນວ່າ Deepfake

Zao ເປີດໂຕທາງ iOS Store ຂອງໄອໂຟນ ເມື່ອວັນສຸກ ແລະ ກາຍເປັນແອັບທ່ີຖືກດາວໂຫຼດຫຼາຍທີ່ສຸດ ໃນຊ້ວງອາທິດທີ່ຜ່ານມາ ຕາມລາຍງານຂອງບໍລະສັດວິໃຈ App Annie

ຜູ້ທີ່ຈະນຳໃຊ້ແອັບນີ້ ຕ້ອງໄດ້ໃຊ້ເບີໂທລະສັບຂອງຕົນ ແລ້ວອັບໂຫຼດຮູບໃບໜ້າຂອງຕົນ ລົງໃນແອັບພຣິເຄຊັ້ນ ຈາກນັ້ນກໍ່ສາມາດເລືອກວີດິໂອທີ່ຕ້ອງການ ໃຫ້ປ່ຽນໜ້າຄົນດັງເປັນໜ້າຕົນເອງ ຕັ້ງແຕ່ໃບໜ້າຂອງ ລີໂອນາໂດ ດິຄາປິໂອ ໄປຈົນເຖີງ ມາຣິລີນ ມອນໂຣ ກ່ອນທີ່ຈະແຊໄປໃຫ້ເພື່ອນໆ ໃນໂລກອອນໄລ ໄດ້ຮັບຊົມ ແລະ ກົດໄລ.

ຢ່າງໃດກໍ່ຕາມ ສຳນັກຂ່າວລອຍເຕີ້ລາຍງານວ່າ ປັນຫາເກີດຂື້ນບ່ອນທີ້ ໃນນະໂຍບາຍຄວາມເປັນສ່ວນຕົວຂອງແອັບພຣິເຄຊັ້ນ Zao ລະບຸໄວ້ວ່າ ຜູ້ໃຊ້ແອັບພຣິເຄຊັ້ນນີ້ ຕ້ອງຍິນຍອມໃຫ້ Zao ມີສິດທິໃຊ້ຮູບຂອງພວກເຂົາ ເພື່ອປະໂຫຍດໃນດ້ານການຕະຫຼາດ ເຊີ່ງສ້າງຄວາມບໍ່ພໍໃຈຫຼາຍ ເຮັດໃຫ້ບໍລິສັດເຈົ້າຂອງແອັບນີ້ ຕ້ອງປັບປ່ຽນນະໂຍບາຍສວ່ນຕົວດັ່ງກ່າວ ເພື່ອແກ້ໄຂຄວາມກັງວົນຂອງຜູ້ໃຊ້

ໃນຂໍ້ຄວາມໃຫມ່ທີ່ປາກົດ ໃນໍ້ຕົກລົງກັບຜູ້ໃຊ້ ທາງບໍລິສັດລະບຸວ່າ “ຈະໃຊ້ຄວາມພະຍາຍາມໃຫ້ຫຼາຍທີ່ສຸດ ຕາມເງື່ອນໄຂທີ່ລະບຸ ນະໂຍບາຍຄວາມເປັນສ່ວນຕົວ ເພື່ອທີ່ຈະໃຊ້ຂໍ້ມູນຂອງຜູ້ໃຊ້ ຢ່າງມີເຫດຜົນ ເທົ່າທີ່ຈຳເປັນ” ພາຍໃຕ້ຂໍ້ຕົກລົງນີ້ ຜູ້ໃຊ້ຈະບໍ່ເສຍສິດທິຄອບຄອງ ສັບສິນທາງປປັນຍາ ຂອງຜູ້ໃຊ້ເອງແຕ່ຢ່າງໃດ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *