ໜ້າຈັບຕາ ! Toyota ແລະ Suzuki ຜະນຶກກຳລັງພັດທະນາລະບົບຂັບເຄື່ອນອັດຕະໂນມັດ

ຖືວ່າເປັນອີກໜຶ່ງຂ່າວຄາວລ່າສຸດທີ່ໄດ້ຮັບຄວາມສົນໃຈຈາກວົງການຍານຍົນທົ່ວໂລກ  Toyota ແລະ Suzuki ຂໍເຂົ້າຮ່ວມຜະນຶກກຳລັງໃນການພັດທະນາລະບົບຂັບເຄື່ອນອັດຕະໂນມັດ ສົ່ງຕໍ່ໄປເຖິງການແລກປຜ່ຽນ ທັດສະນະ ແລະ ຄວາມສາມາດລົດເຊິ່ງກັນ ແລະ ກັນ ເຊິ່ງນຳມາຕໍ່ຍອດໃນການຜະລິດລົດໃນຄ້າຍຂອງຕົນເອງ

ໂດຍທັ້ງ  Toyota ແລະ Suzuki ໄດ້ປະກາດວ່າ ນີ້ຄືການຮ່ວມມືກັນໃນສ່ວນຂອງເທັກໂນໂລຢີ່ໃໝ່ ໂດຍສະເພາະການພັດທະນາການຂັບເຄື່ອນອັດຕະໂນມັດ ແລະ ແບ່ງປັນຊິ້ນສ່ວນການຜະລິດປັດຈຸບັນໃຫ້ແກ່ກັນ ແຕ່ຫາກແນມໄປເຖິງແງ່ການຕະຫລາດ ແລະ ທຸລະກິດ ທັງສອງຄ້າຍຍັງຄົງຢູ່ໃນຖານະຄູ່ແຂ່ງເຊັ່ນເດີມ

ເຊິ່ງຫາກຍັງພໍຈື່ກັນໄດ້ ກ່ອນໜ້ານີ້ Toyota ແລະ  Suzuki ກໍ່ເຄີຍຮ່ວມມືກັນໃນການແລກປ່ຽນຄວາມຮູ້ທາງດ້ານການຂັບຂັບເຄື່ອນ ໂດຍ Toyota ໄດ້ເຄື່ອງຈັກຈາກຄ້າຍ Suzuki ແລະ ພັດທະນາຕໍ່ໄປເປັນ  Toyota RAV 4 – Corolla Wagon ທີ່ວາງຈຳນ່າຍໃນທະວີບຢູໂລບ ໃນຄະນະທີ່ Suzuki ກໍ່ໄດ້ຮັບຄວາມຮູ້ເລື່ອງລະບົບໄຮບິດຈາກ  Toyota ກັບຄືນ ຫລື ແມ້ແຕ່ທາງດ້ານ  Suzuki ທີ່ຜະລິດລຸ່ນ  Ciaz ແລະ  Ertiga ໃນອິນເດຍ ແລະ ສົ່ງອອກໄປຈຳໜ່າຍໃນທະວີບແອັບຝຣິກກາໃນນາມ Toyota

ທັ້ງນີ້ທັງສອງຄ້າຍຍັງມີການຕຽມເຂົ້າຊື້ຫຸ້ນຈາກອີກຝ່າຍ ໂດຍ Toyota ຈະຖືຫຸ້ນໃນ Suzuki ເປັນຈຳນວນ 4.94% ເພີ່ມຂຶ້ນຄິດເປັນມູນຄ່າ 96 ລ້ານເຢັນ ໃນທາງກັບກັນ  Suzuki ຈະເຂົ້າຖືຫຸ້ນຂອງ Toyota ເພີ່ມຂຶ້ນ 0.2% ເພີ່ມຂຶ້ນເປັນມູນຄ່າ 48 ລ້ານເຢັນ ອີກດ້ວຍ

 

 

ຂໍ້ມູນມາຈາກ  : ອໍໂຕ່ສະນຸກ

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *