ຂາຍເສື້ອຜ້າມືສອງ ສ້າງລາຍຮັບໃຫ້ຄອບຄົວ 30 ລ້ານຕໍ່ອາທິດ

ຮ້ານອັນຢອງໂກດັງ ເສື້ອຜ້າມືສອງເກົາຫລີ ເປັນສູນຈໍາໜ່າຍຂາຍຍົກ-ຂາຍຍ່ອຍ ຄຸນນະພາບດີ,ລາຄາຖືກ, ນຳເຂົ້າຈາກ ສ ເກົາຫລີ, ລາຄາເລີ່ມຕົ້ນ ພຽງແຕ່ 20 ພັນກີບຕໍ່ໂຕ ເຊິ່ງຮ້ານຕັ້ງຢູ່ບ້ານໂພນຕ້ອງ ຈອມມະນີ ເມືອງຈັນທະບູລີ ນະຄອນຫລວງວຽງຈັນ. ທ່ານນາງ ດວງຕາ ຂຸນວິເສດ(ຕຸ່ນ) ເຈົ້າຂອງຮ້ານອັນຢອງໂກດັງ ເສື້ອຜ້າມືສອງຈາກເກົາຫລີ ໄດ້ໃຫ້ສຳພາດເມື່ອ ບໍ່ດົນມານີ້ວ່າ: ກ່ອນຈະມາເລີ່ມຕົ້ນ ຂາຍເສື້ອຜ້າມືສອງ ຕົນເອງໄດ້ຂາຍເສື້ອຜ້າມືໜຶ່ງກ່ອນ ແຕ່ວ່າບໍ່ປະສົບຜົນສຳເລັດ ຕາມເປົ້າໝາຍທີ່ວາງໄວ້, ລາຍຮັບກໍບໍ່ດີເທົ່າທີຄວນ; ຫລັງຈາກນັ້ນ, ມາຮອດປີ 2017ຕົນເອງຈຶ່ງມີແນວຄິດຫັນປ່ຽນ, ພ້ອມທັງໄດ້ສຶກສາກ່ຽວກັບ ການຂາຍເສື່ອຜ້າມືສອງ ນຳກຸ່ມຜູ້ປະກອບການຂາຍເສື້ອຜ້າມືສອງ ຈາກປະເທດເພື່ອນບ້ານ ທັງເລັງເຫັນວ່າ ຮູບຊົງຂອງຄົນລາວ ແລະ ຄົນເກົາຫລີ ມີລັກສະນະຄ້າຍຄືກັນ ອີກທັງຄົນລາວ ຍັງນິຍົມການນຸ່ງຖື ແບບຄົນເກົາຫລີ ຈິ່ງໄດ້ຕັດສິນໃຈ ລົງທຶນນຳເອົາເຄື່ອງເກົາຫລີ ມືສອງ ມາວາງຂາຍຈົນເຖິງປັດຈຸບັນ. ຈຸດເລີ່ມຕົ້ນການຄ້າ-ຂາຍ ຍັງບໍ່ທັນໄດ້ດີປານໃດ, ຍັງພົບບັນຫາຫລາຍຢ່າງ,ຕໍ່ມາຕົນເອງຈິ່ງໄດ້ປັບປຸງວິທີການຂາຍ, ຫັນຈາກຂາຍໜ້າຮ້ານ ມາຂາຍຜ່ານທາງສື່ອອນລາຍ ເປັນຕົ້ນໄລສົດຜ່ານທາງ ເພສເຟດບຸກ ຂອງຮ້ານ (FB ອັນຢອງໂກດັງ ເສື້ອຜ້າມືສອງເກົາຫລີ) ຈົນປະສົບຜົນສຳເລັດ ເຮັດໃຫ້ຍອດຂາຍສູງ ເຖິງ 300-400 ໂຕຕໍ່ມື້ ສາມາດສ້າງລາຍຮັບເຂົ້າຄອບຄົວ ໄດ້ 30 ລ້ານກີບຕໍ່ອາທິດ. ທ່ານນາງ ດວງຕາ ຂຸນວິເສດ ກ່າວອີກວ່າ: ປັດຈຸບັນ ຮ້ານອັນຢອງໂກດັງ ເສື້ອຜ້າມືສອງຈາກເກົາຫລີ ໄດ້ສົ່ງສິນຄ້າອອກ ໄປບັນດາແຂວງຕ່າງໆ ໃນຂອບເຂດ ທົ່ວປະເທດ ບໍ່ວ່າຈະເປັນຂາຍສົ່ງ, ຂາຍ ຍົກ-ຂາຍຍ່ອຍ ແລະ ໃນອານາຄົດ ຈະຂະຫຍາຍສາຂາອອກຕື່ມອີກ ທັງຢູ່ໃນນະຄອນຫລວງວຽງຈັນ ແລະ ຕ່າງແຂວງອີກ ຈຳນວນໜຶ່ງ. ສຳລັບທ່ານໃດ ຫາກມີຄວາມສົນໃຈ ຢາກເປັນຕົວແທນຈຳໜ່າຍ ສາມາດເຂົ້າມາຊື້, ມາຈັບຈອງເປັນຕົວແທນ ຫລື ສຶກສາວິທີການຂາຍຕ່າງໆ ນຳເຈົ້າຂອງ ຮ້ານໄດ້ໂດຍກົງ ທີ່ຮ້ານອັນຢອງໂກດັງ ເສື້ອຜ້າມືສອງຈາກເກົາຫລີ.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *