8 ເດືອນຕົ້ນ​ປີ ດ່ານພາສີສາກົນນໍ້າພາວເກັບລາຍຮັບບໍ່ໄດ້ຕາມແຜນ ຍ້ອນສິນຄ້າຫຼຸດລົງ

ໄລຍະ 8 ເດືອນຕົ້ນ​ປີ 2019 ດ່ານພາສີສາກົນນໍ້າພາວ ແຂວງບໍລິ​ຄຳ​ໄຊ ເກັບລາຍຮັບເຂົ້າງົບໄດ້ພຽງ 211 ຕື້ກວ່າກີບ, ຫຼຸດລົງ 10.53% ຂອງ​ແຜນການ​ ຍ້ອນສິນຄ້າທີ່ເປັນລາຍຮັບຕົ້ນຕໍມີລັກສະນະຫຼຸດລົງ ​ເຊັ່ນ: ການນຳເຂົ້ານ້ຳມັນເຊຶ້ອໄຟ ແລະ ສິນຄ້າສ່ວນໃຫຍ່ໃນຮູບແບບສົ່ງເສີມການລົງທຶນ ແລະ ຍົກເລີກການເກັບຄ່າຊັກພິເສດ.

ທ່ານຮອງຫົວໜ້າດ່ານພາສີດັ່ງກ່າວ ໃຫ້ຮູ້​ເມື່ອບໍ່ດົນມານີ້ ວ່າ: ເພື່ອເຮັດໃຫ້ການຈັດເກັບລາຍຮັບ​ໄດ້​ຕາມ​ຄາດໝາຍ, ດ່ານ​ຈະ​ຕ້ອງ​ໄດ້ເພີ່ມທະວີສຶກສາອົບຮົມການເມືອງ-ແນວຄິດໃຫ້ຖັນແຖວພະນັກງານ, ປັບປຸງແບບແຜນວິທີນໍາພາ, ວິທີເຮັດວຽກໃຫ້ມີຄວາມຖືກຕ້ອງ, ສອດຄ່ອງກັບລະບຽບກົດໝາຍ, ເພີ່ມທະວີຄຸ້ມຄອງໃນການກວດກາສິນຄ້າອອກ-ເຂົ້າຜ່ານດ່ານໃຫ້ມີຄວາມເຂັ້ມງວດ ​ແລະ ​ເອົາ​ໃຈ​ໃສ່ຕິດຕາມກວດກາ​ການຈັດ​ຕັ້ງ​ປະຕິບັດ​ວຽກ​ງານຂອງພະນັກງານຢູ່ແຕ່ລະ ດ່ານພາສີທ້ອງຖິ່ນ ແລະ ດ່ານພາສີປະເພນີ​ ໃຫ້​ມີ​ຄວາມ​ໂປ່ງ​ໃສ, ບໍລິການ​ວ່ອງ​ໄວ ​ແລະ ເພີ່ມ​ທະວີການ​ຄຸ້ມ​ຄອງ​ລາຍ​ຮັບ​ໃຫ້​ດີ​ຂຶ້ນ​ກວ່າ​​ເກົ່າ.
ພ້ອມ​ກັນ​ນີ້ ກໍ​ຈະ​ຕ້ອງ​ໄດ້ສຸມໃສ່ຕ້ານ​ ແລະ ສະກັດ​ກັ້ນ​ການ​ລັກລອບ​ສິນຄ້າໜີ​ພາສີທຸກຮູບແບບ, ປະສານ​ສົມທົບກັບ​ອົງການ​ການ​ປົກຄອງ​ທ້ອງຖິ່ນແຕ່ລະ​ຂັ້ນ ​ແລະ ບັນດາຂະ​ແໜງ​ການ​ທີ່​ກ່ຽວຂ້ອງໃຫ້ກົມກ່ຽວ ພ້ອມ​ທັງ​​ເຂັ້ມ​ງວ​ດນຳ​ໃຊ້​ມາດ​ຕະການ​ຕໍ່ຜູ້ລະ​ເມີດ ແລະ ຫັຍ​ໄປ​ສູ່​ການນຳໃຊ້ເຄື່ອງມື ທີ່ທັນສະໄໝເຂົ້າໃນວຽກງານພາສີໃຫ້ມີປະສິດທິຜົນສູງ

 

 

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *