ຕຳຫຼວດທຳລາຍເຄືອຂ່າຍສິນຄ້າອອນລາຍຫຼອກຫລວງປະຊາຊົນທີ່ປະເທດໄທ

ສື່ໄທລາຍງານເມື່ອວັນທີ 23 ສິງຫາ 2019 ໃຫ້ຮູ້ວ່າ ຫລັງຈາກກ່ອນຫນ້ານີ້ຈັບກຸມໄດ້ທີ່ແຂວງສະແກ້ວ ແລະໃນເຂດລົ້ມກ້າວບາງກອກ

ເຈົ້າຫນ້າທີ່ກອງບັງຄັບການປາບປາມການກະທຳຄວາມຜິດກ່ຽວກັບການຄຸ້ມຄອງຜູ້ບໍລິໂພກ ຮ່ວມກັບເຈົ້າຫນ້າທີ່ກອງບັງຄັບການປາບປາມການກະທຳຄວາມຜິດກ່ຽວກັບອາດຊະຍາກຳທາງເທັກໂນໂລຢີ ແລະເຈົ້າຫນ້າທີ່ຕຳຫຼວດຊຸດສືບສວນສະຖານີຕຳຫຼວດພູທອນພານທອງບຸກເຂົ້າຍຶດສິນຄ້າຫຼອກຫລວງປະຊາຊົນ (ເຄື່ອງຊ່ວຍປະຢັດຄ່າໄຟຟ້າ Power Factor Saver)

ໂດຍກ່ອນຫນ້ານີ້ບຸກເຂົ້າຈັບກຸມເຄືອຂ່າຍສິນຄ້າດັ່ງກ່າວໄດ້ທີ່ແຂວງສະແກ້ວ ແລະທີ່ລົ້ມເກົ້າບາງກອກ ເມື່ອບໍ່ເທົ່າໃດມື້ຜ່ານມາ ຈົນຂະຫຍາຍຜົນຈັບກຸມ ແລະກວດຍຶດສິນຄ້າທີ່ຫຼອກຫລວງປະຊາຊົນທີ່ແຂວງຊົນບຸລີພາຍໃນອາຄານພານິດແຫ່ງຫນື່ງແຄມຫົນທາງສາຍພານທອງ-ໂຮງນາ ເລກທີ່300/11 ຫມູ່ 7 ບ້ານພານທອງ ເມືອງພານທອງ ແຂວງຊົນບຸລີ ປະເທດໄທ

ໂດຍການບຸກຍຶດສິນຄ້າດັ່ງກ່າວພົບວ່າມີຈຳນວນຫລາຍລວມໄປເຖິງຍຶດອຸປະກອນໃນການກະທຳຄວາມຜິດຢ່າງເຊັ່ນຄອມພິວເຕີຈຳນວນ 2 ຊຸດ ໂທລະສັບມືຖືຈຳນວນ 2 ເຄື່ອງ ແລະອຸປະກອນໃນການບັນຈຸເພື່ອຈັດສົ່ງຫລາຍລາຍການເຊື່ງການບຸກທຳລາຍໃນຄັ້ງນີ້ບໍ່ສາມາດຈັບກຸມຜູ້ກະທຳຄວາມຜິດໄດ້ ຄາດວ່າຫນ້າຈະໄຫວໂຕທັນ ແລະຫລົບຫນີໄປໄດ້ແຕ່ຢ່າງໃດກໍ່ຕາມຈະຕິດຕາມຜູ້ທີ່ພັກອາໃສຫລືເຊົ່າອາຄານພານິດແຫ່ງນີ້ມາສອບສວນເພີ່ມຕື່ມ ຖ້າພົບວ່າເຂົ້າຂ່າຍຮ່ວມຂະບວນການກໍ່ຈະດຳເນີນຄະດີຕໍ່ໄປ

ຈາກການສອບຖາມພັນຕີ ອານັນ ບົວແກ້ວ ທີ່ເຂົ້າຮ່ວມໃນການປະຕິບັດການໃນຄັ້ງນີ້ບອກວ່າ ໄດ້ຮັບການຮ້ອງຮຽນຈາກການໄຟຟ້າສ່ວນພູມມີພາກວ່າມີການໂຄສະນາສິນຄ້າທີ່ຈະຊ່ວຍປະຢັດຄ່າໄຟຟ້າໄດ້ເຊີ່ງເຂົ້າຂ່າຍຫຼອກຫລວງປະຊາຊົນເຮັດໃຫ້ປະຊາຊົນຫລົງເຊື່ອມາແລ້ວຫລາຍລາຍ ຈົນນຳໄປເຖິງການກວດສອບ ແລະຈັບກຸມຂະບວນການນີ້ຊື່ງມີນາຍທືນໃຫ່ຍຢູ່ຕ່າງປະເທດ (ຫວຽດນາມ) ເຊື່ງກໍ່ຈະໄດ້ຕິດຕາມເຄືອຂ່າຍທີ່ຍັງເຫລືອຢູ່ມາດຳເນີນຄະດີໃຫ້ໄດ້ໂດຍໄວ

 

 

ຂໍ້ມູນມາຈາກ : ຂ່າວລາວຕ່າງປະເທດສາລະໜ້າຮູ້

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *