ຜົນສຳຫຼວດເຜີຍ ມີຜູ້ໃຊ້ງານສະມາດໂຟນ ໃນສະຫະລັດ 1% ທີ່ຄິດວ່າບ່ອນສຽບຫູຟັງ 3.5ມມ ເປັນສິ່ງສຳຄັນ

ຄິດເຖິງຊ້ວງແລກທີ່ Apple ຖອດຮູສຽບຫູຟັງ 3.5 ມມ ອອກຈາກ iPhone ໄປໃຫມ່ໆ ຫຼາຍໆຄົນຕ່າງຕິດວ່າ ເປັນການກະທຳທີ່ບໍ່ສະຫຼາດປານໃດ, ແຕ່ມາຮອດມື້ນີ້ ສະມາດໂຟນຫຼາຍໆແບຣນ ກໍ່ເລີ້ມຖອດບ່ອນສຽບຫູຟັງອອກກັນຫຼາຍຂື້ນເລື້ອຍໆ, ສະແດງໃຫ້ເຫັນວ່າ ຮູສຽບຫູຟັງ 3.5 ມມ ບໍ່ຈຳເປັນສຳລັບສະມາດໂຟນອີກຕໍ່ໄປແລ້ວ.

Ting ຜູ້ໃຫ້ບໍລິການເຄືອຂ່າຍ ໃນສະຫະລັດອາເມລິກາ ໄດ້ມີການສຳຫຼວດຜູ້ໃຊ້ງານຊາວສະຫະລັດ ທີ່ໄດ້ຊື້ສະມາດໂຟນກວ່າ 3,600 ຄົນ ໂດຍໄດ້ມີຄຳຖາມວ່າ “ແມ່ນຫຍັງຄືສິງທີ່ຈຳເປັນທີ່ສຸດ ໃນການຊື້ສະມາດໂຟນ ລຽນຕາມລຳດັບ 1-3” ເຊີ່ງຄຳຕອບທີ່ອອກມາ ຂ້ອນນ້າງຈະຫຼາກຫຼາຍ ຕັ້ງແຕ່ລາຄາ, ໜ້າຈໍ, ກ້ອງ, ແບັດເຕີລີ້, ຄວາມຈຳ, ສະເປັກຂອງເຄື່ອງ, ລະບົບປະຕິບັດການ ແລະ ຮູສຽບຫູຟັງ.

ຈາກຜົນສຳຫຼວດພົບວ່າ ມີພຽງ 1% ເທົ່ານັ້ນ ທີ່ເລືອກບ່ອນສຽບຫູຟັງມາເປັນຕົວເລືອກ ທຳອິດທີ່ຕ້ອງມີສຳລັບການຊື້ສະມາດໂຟນ.

ແລະ ຄຳຕອບທີ່ຫຼາຍທີ່ສຸດ ເຊີ່ງເປັນປັດໃຈສຳຄັນ ໃນການເລືອກຊື້ສະມາດໂຟນ ກໍ່ຄື “ລາຄາ” ຄິດເປັນ 35% ຂອງຜົນສຳຫຼວດທັງໝົດ, ຂ້ອນຂ້າງສອດຄ່ອງກັບການລາຍງານກ່ອນໜ້ານີ້ວ່າ OnePlus ເປັນສະມາດໂຟນທີ່ຂາຍໄດ້ດີ ໃນສະຫະລັດອາເມລິກາ ເນື່ອງຈາກວ່າ ເປັນຄ້າຍທີ່ເຮັດຮູບຊົງໄດ້ຖືກກວ່າແບຣນອື່ນໆ.

ປັດໃຈທີສອງໃນການຊື້ສະມາດໂຟນ ກໍ່ຄື ລະບົບປະຕິບັດການ ຄິດເປັນ 30% ແລະ ອັນດັບທີສາມ ເລື່ອງສະເປັກຄິດເປັນ 14% ແລະ ມີພຽງ 15% ເທົ່ານັ້ນ ທີ່ໃຫ້ຄວາມສົນໃນທາງດ້ານໜ້າຈໍ ແລະ ມີ 4% ທີ່ເລືອກຊື້ສະມາດໂຟນເພາະເລື່ອງຂອງແບັດເຕີລີ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *